محاورة نـسـائـيـة

بسم الله الرحمن الرحيم

السلام عليكم ورحمه الله وبركاته

الشاعرة دلال الشمال
تعزوا القاف يوم إنه لفا لك والشعر تيسيـرمن الباري هو اللي يعلم النجوى مع الجهرا
ولكن قلبي اتعذب ونبض القلـب كالجنزيـرترامى صوته لسمعي وسمع اللي عشق قمرا
نوض سدير
قبل هذا تعزوى واحد قبلك وثار القيـروضيع وجهته بعيونه الفيضه غدت غدرا
ترى لاضاع نبضك يالغلا ماينفع التشفيرولكن بدلي حبك بركعه وقـت هالفجـرا
الشاعرة دلال الشمال
أنا حبي .. بقلبي مستكن وسقـت لـه تعبيـروحروف الشعر من وصفه غدت ماتقدر الصبرا
حبيبي غالي ٍ بالقلب وعن حبّه أبد مـا أحيـرإله الكون سبحانه .. فكيف أسـلاه بالمسـرا
نوض سدير
انا معكم وايدكم غلا مايوصفـه تصويـراعبد ه واسجد لوجه طوال الليل مع بكـرا
عسى الله يفرج الكربه ولايكتب لنا تعسيررحيم وهو بضعف الناس يااغلى بشر ادرا
الشاعرة دلال الشمال
عسى الله يقبل الدعوات والسجدات منا تصيربميزان العدل أثقل من جبال الحصـى قـدرا
وعسى الله يغفر السيّه ويبرّ د خاطري بالخيرويشفي قلوب ناس ٍ من حسدها اليوم ماتبـرا
نوض سدير
قوافي شفتها بعيني تكرر وضعها تكريـرترها تنحسب ضدك بصفحة شعركم عثـرا
قوافينـا بيدنـا فنهـا مايحتمـل تحويـرحروفي يانعه ماتشيب لو نجلس معك شهرا
الشاعرة دلال الشمال
حروفي دايم بصفي أبد ما تنحدر تحديـربأعالي الشم مسكانه كما مسكان ذا الصقرا
واذا به ناس ماتقبل فهذا طبعهم تشهيـروأنا ما أرضى على حرفي يذم بداخل الحّرا
نوض سدير
الا يالغاليه بشهد شهادة حق طار الطيرولكن هودي لاتصادمين الموج والبحرا
الا يامن يطلع واحد ٍ ولى بقاع البيـرالا ياظنتي لو تنقذون العـود مايبـرا
الشاعرة دلال الشمال
ألا يا نوض شومي لا تردين العرب للكيروثوبك من حرير ونارها ما تترك الشبرا
يطير الطير ياللي ما هقيت انه عليك يطيرولكن لا تقرّب للحـدود وطالبـك حـذرا
نوض سدير
انا نوض السديريه وادمر بيتكم تدميـرقوافيقكم تهدم سورها من سورها قفـرا
حذفتك حذفة الميت ووقعتي ورى خرخيربعد ماعشتي بساحة كياني عيشة الفقرا
الشاعرة دلال الشمال
انا بيتي من أحجار ٍ كريمه ماتجـي تصديـرولا طاله ردي القـاف والمجنـون والهـذرا
شماليه قوية باس .. من رجال ٍ تفـل العيـرولا أحد ٍ يقرب دياري ..ولا أحد ٍ صوبنا يجرا
نوض سدير
انا ازرع لك ثمر صافي تردي تزرعي جرجيـراذا هي خانتك بعـض المعانـي هلـي العبـرا
امررهـا وامررهـا عليكـم يالغـلا تمـريـرواشوف البعض من بعض البيوت عيونها صفرا
الشاعرة دلال الشمال
على ساحة اهل الساحه يبي لك يا غلا تمتيروانا ادري بانك اليومه على هـذا ولا تجـرا
قصور الشعر تفرق يا غلا عن هفوة التقصيرولكن يا مصّل الفرض جمعك لا يجي قصـرا
نوض سدير
قليبك ياحياتي واش بلاه مجمر ٍ تجميـرثريث يابعد كل البشـر لاتاكـل الجمـرا
ترى لحم الضبى مايشبه بلونه لحم خنزيرتعوذ من شياطينك قبل لاياقـف القطـرا
الشاعرة دلال الشمال
شياطيني معي ماتسير لين إن القوافي تسيريشوش اللي توحاني وكنه شـارب ٍ خمـرا
و إذا حرفك تعب يابنت جيتك والمعاني تنيركما نور الصباح اللي شعق من فوقنا قصرا
نوض سدير
تمهل يالغلا ثم انتبه واحـذر تعكـس السيـرانا اشيل الحمول ان كان شفت اجسامكم فترا
ابااعطيك الشعر جرعات لين يصيبك التخديرتضيق اصدوركم لكن حشا ماايضيق لي صدرا
الشاعرة دلال الشمال
حروف القاف شابت في كفوفك والشعر تخبيـروإذا انتي جاهله باسمي فأنا جيت بوصف شقرا
كثير اللي يسموني قوية بـاس مابـي ضيـروصدري من صدور أهل الشمال وسلمنا الصبرا
نوض سدير
ترى من سار بالظلمى ولادقق صدم ببعيـرومن يحفر لبعض الناس هام وطاح بالحفرا
انا ماني من اللي بالخفى يمشي بدهن السيرالا ياطير ياطيـر السعـد لاتحـل بالوكـرا

إلى هنا انتهت المحاورة .. ان شاء الله تكون نالت على رضاكم