قصيدة ( ياقع فشبكاته رجال الشجاعة ) للشاعر عطالله الغانمي

بسم الله الرحمن الرحيم


الحمد لله والصلاة والسلام على رسوله وآله الطيبين






مشيت في جـوٍّ تراكـم غيومـه
وأخذت لي في صفوة الجو ساعة
إيدير عن قلـب المولـع همومـه
براد ما هو من مكيـف صناعـه
وشاهدت فيه اللي ينفـح ردومـه
لا شافه العاشـق يزيـد التياعـه
وأنا الصويب اللي رمتني سهومـه
والقلـب ودّعتـه بحبـه وداعـه
إلياذرف دمع الشقي من يلومـه ؟
ما له على طول الصبر استطاعه
الله يا بحر الهوى من يعومـه ؟!
ولا كل من عشق الهوى فيه ناعه
يا كم هانت له نفـوسٍ حشومـه
ياقع فشبكاتـه رجـال الشجاعـه
أحدٍ مريح القلب يـا حلـو نومـه
وأحد السهر والهم عنـده طباعـه
وأحدٍ كبير الجسم مالـي هدومـه
وأحدٍ تشوف الود حانـي ظلاعـه
وناس فيها الحب بايـن رسومـه
ومن الأسى ما عاد عنده مناعـة
يوم اعترض لي مفتكر وش علومه
الموت شفته حين لمحت ذراعـه
سهرت حتى الليل غابـة نجومـه
وحتى شعاع الصبح باين شعاعـه
وقعت مابيـن القلـوب الرحومـه
ورحت ما بيـن الثلاثـة شلاعـة
أحدٍ زعل منّي وصارت خصومه
وأحدٍ قتلنـي بالخجـل والدلاعـه