مجموعة من الكسرات ~{ 2 }~

من طرف نهر العيون الإثنين يونيو 01, 2009 5:47 pm

بسم الله الرحمن الرحيم

51-دم الشرايين متوقف_والقلب ينبض بليا دم_
وأنامن الطب متخوف_خايف دواهم يعود سم_
52-ذكرتني بماضي الاحزان_وأشعلت نيران في صدري_
والمشكلة ياأعز انسان_لازلت محتارفي أمري_
53-سلطان قلبي وقف لحظات_يكشف عن الجرح ويغطيه_
تذرف عيونه من الدمعات_عاجزعن الطب مايمديه_
54-شوف المعادن ذهب والماس_والتفرقه بينهم واجب_
واحرص ترى العباد اجناس_لاجيت تختار لك صاحب_
55طبيب الاجراح علمناه_عمابنا من عضوشاكي_
صفق يمينه على يسراه_وقفى مثل حالناباكي_
56-قلوب نبض الوفاء فيها_وقلوب فيهاالحسد تلقاه_
يظهرلك الوقت خافيها_والبعض في وجيههم تقراه_
57-لأجل أيش بحرالهوى سموه_ياهل ترى كيف أوضاعه_
كثيرمن قبلنا عاموه_للحين ماحددوا قاعه_
58-مدري خلل صارفالميزان_والا المعاريف معدومة_
قلوب نالت من الاحسان_وقلوب للآن محرومة_
59-هات الورق وأبري المرسام_وأكتب خواطرمن أحزاني_
لعلها تشفي الاسقام_وتفرج الهم لا جاني_
60-ضليت إلي فالق الاصباح_سهران والنوم ماجاني_
كله هوى ناضم التفاح_بعدالوعدكيف ينساني_
61-البارق اللي تخيله لاح_وبله مطرهل وأسقاني_
من حمدربي وانامرتاح_والغيث في ديرتي جاني_
62-نظره منهاالفؤادانصاب_ونحل منهاالجسد كله_
والي مثل حالتي منصاب_الموت لوجاله احسله_
63-عندالخبردقت الاجراس_كيف المقادير تنساني_
حبرالقلم عذب القرطاس_احرق فؤادي وبكاني_
64-ياقلب وش غير الخلان_وش غيراحبابنا قلي_
يضمناالعام بالاحضان_واليوم بالعين مايطلي_
65-يابحرجيتك وانازاير_ابي هموم الزمان تروح_
لكن لقيتك بحرجاير_ماغيرزدت الجروح جروح_
66-حتى سلام الاله اللي_مابين الابشار مسنوني_
مااقدر ارده على خلي_من خوف لاالناس يدروني_
67-ليت الذي شافته عيني_رب الملا يكتبه ليه_
حرام لاعيش متهني_ولايوم أشكي بلاويه_
68-ياسيدولعتبي وأقفيت_خدني معك لاتخليني_
وحياه ربي رب البيت_مافالبلد من يسليني_
69-ماعندنافالمعاني لف_عين الحقيقة شكيناها_
بلواي مثل الموج تزف_هذي ورى ذي تتلاها_
70-ستة رصاصات بالتحديد_بعيارتسعه من العادي_
صابت فؤادي نهارالعيد_ومن سقمهااصيح وانادي_
71-حبل المودة كواني كي_واللي كواني عندكم حاضر_
هاتوا الكفن وادفنوني حي_ماعادلي فالهوى خاطر_
72-معذارماعندنا دافور_والمورمافيه كفتيره_
والصقرتلفي عليه صقور_ وتجيبله فاين الديرة_
73-ياليتني كوكب المريخ_والاجبال الهملايا_
احارب الجن بالبطيخ_واجيب لحبيبي تكايا_
74-لاياحشف لاتعلى فوق_مابغاك لوطحت فالوادي_
مانقطف الا زريرالهيل_مع الوردوالفل والكادي_
75-ولدالهوى دايم تعبان_مكتوب عليه قله الراحه_
مثل السفينة بلا ربان_يلعبها الموج فالباحه_
76-ياقاضم الهيل في نصف الليل_عطني من الهيل لوحبه_
لأجلي على فاقته بالحيل_كني على نارمشتبه_
77-ياواد سيبك من اللفات_تراك ماتضمن تواليها_
بحبك القلب يدق دقات_والجسم كله يشكيها_
78-ياسيديوم العرب تطريك_الروح تعطيلها ونه_
م_ن شده حبي وغرمي فيك_فضلت نارك على الجنه_
79-التمره اللي نقرهاالطير_ماعاد لي هوى فيها_
اماتبدلهابتمره غير_والاتردها لراعيها_
80-بالله ياباب سيبني_لاياخشب ياعديم الذوق_
عامين والخل هاجرني_وانته تزيدالمولع شوق_
81-لي جرح علق سنه واكثر_أعالجه والردى يحييه_
والطرف من كثرمايسهر_أخاف كثرالسهريعميه_
82-قدمت روحي عشاه رضاه_وعطيته القلب بزياده_
عكس الذي نعمله نلقاه_اخلفلي القصد ومراده_
83-العودلاشابت احجابه_مايقبله داعج الاعيان_
ياربناوش تحرابه_مادام يركع على العيدان_
84-سجن المدينه شقى وهموموعنبرثمانيه سبب قلبي_
ليه حبايب وليه خصوم_وليه حبايب من صلبي_
85-عامين لي فالأسى ابني_وانهدبنيي في ساعه يوم_
ان رحت ببنيه يتعبني_واني تركته عليه لوم_
86-غاب القمروالرقيب سهيل_واناعلى الجودري متكي_
اراقب اللي نسيمه هيل_وان غاب عني قعدت ابكي_
87-تسعه أطباء اتو ليه_الكل منهم طبيب اجراح_
تشاوروا وانظروا فيه_قالوا خساره شبابك راح_
88-يادمع عيني سقى ذهبان_وسال واسقى الدعيجيه_
وسال واسقى مسيل قران_وسال واسقى الحساويه_
89-وحياه منزل القرآن_ماحد سكن غيرك بقلبي_
وماحب غيرك ابدانسان_لويبرح الموت في دربي_
90-القلب حمى الجسد كله_حتى جعله سلوك وماس_
وان رحت للسلك بحله_اخاف يلذع علي الماس_
91-ياشاطرالديلكوحله_والكهرباؠ ? وزنهابقياس_
سلك الخطرلا تبينله_يرميك بين الرجاوالياس_
92-فالوجه شامه على خده_عذبتني ياكحيل العين_
يلعن ابومن وقف ضده_اطعنه واقسمه نصين_
93-واونتي ونت الوايت_اللي عليه الخطرمكتوب_
لابدعمرالفتى فايت_خساره اللي عليه ذنوب_
94-من يعلم الغيب من يدري_منهوحسب للزمان حساب_
ماحدنهاني عنه بدري_حتى اتحرص منه يااصحاب_
95-تحذيرصحي عن التدخين_على البكت جات خطاته_
مدري مدارى على الحلوين_ولاسياسه من محطاته_
96-ياليتني ماكسرت العين_ولاشفت منهو وقع فيها_
حلفت لاابكي سنه وعامين_وهموم فالقلب مخفيها_
97-طويل ليل الهوى وضاح_ولاينام راعي الهوى ليله_
من غيبه الشمس للاصباح_سهران وينوح من ويله_
98-انا اتكوى وازيد الكي_مش لازم الناس تكويني_
ومش لازم اعيش وابقى حي_مدام جرحي بياذيني_
99-والله يامقبلات ايام_مره وفيها الحموضية_
اليوم نبكي زمان العام_وبكره نبكي على ذيه_
100-ياليت عندي شهاده طب_والاعلى الطب سلطاني_
كان اتخصص في زرع القلب_واعالج الناس مجاني_
101-على ايش تبكي وسيدك حي_للحي لابد من عوده_
انافؤادي كواني كي_من واحد راح للبيده_
(102)لوكان قلبي حديدالصلب_يذوب من نار هجرانك_
بالله ياللي ملكت القلب_بالله لاتزيد نيرانك_
(103)_قلت بنسى اللي فات_وبأبدا حياتي من اولها_
القلب زاد في الونات_والعين الدمع هولها_
(104)صبري نفدوعمري ضاع_والقلب ينتظر خله_
حلفت لوالصبر ينباع_حلفت لآخذه كله_
105-يامن سعى في قيودي حط_سبعه سلاسل وجنزيرين_
مدري فعل كاتبين الخط_والا فعل ساهيات العين_

تقبلو احترامي وتقديري